Ei god historie har mange lag og vil ta farge av kven som fortel ho. Paul Ottar Haga vil fortelje på SIN måte.
Han har vakse opp i Stiklestad-spelet med skiftande regi-grep og instruktørar. Han kjenner si Snorre-soge, og han kjenner Giskespelet frå innsida. Og dessutan har han Johannes Heggland sine to manuskript-versjonar å velje i.
”Her ligg grunnlag for meir dramatikk, sterkare konfliktar og sterkare kjensler”, seier han og avslører at han vil gjere viktige dramaturgiske endringar. Det blir spennande for aktørane som i år får to veker på seg til å få det inn ”under huda” og formidle det.
Og det blir spennande for publikum som kan vente seg eit fornya og endå betre Giskespel
