Velkomen til sommarens finaste hending på historiske Giske.
Giskespelet handlar om tidsbolken rundt 1030, rett før og etter slaget på Stiklestad, der Heilag-Olav fall. Vi møter mektige menn og kvinner frå Giske som i stor grad var involvert i det store slaget, og ser korleis deira tilhøve til kongen splittar den mektige Giske-familien.
2024 er eit spesielt år for Norge. I år er det tusen år sidan Olav Haraldsson innførte kristenretten på alle tingsamlingar i landet.
I lag med seg hadde han fire brør frå Giske. Dei hadde reist ilag med han rundt i Europa og tatt med seg denne nye trua tilbake. I strid og forsoning, ein nasjon vart fødd.
At det i år er tusen år sidan, meiner vi bør markerast også i vår region og vi har difor tatt på oss ei større rolle enn tidlegare år, for å synleggjere meir av historia vår her på Giske og i Norge. Vi har no 2 ekstra arrangement i tillegg til årets spel og det første er allereie 01. juni. Sjå meir info under "Billetter"